आज जरा ऑफीस लवकरच सुटल्या सारखे वाटले,
चौपाटीवर गेलो तर तिथेही रोज सारखी गर्दी वाटत नव्हती
का कोण जाणे?..........
वाटले मारावा फेरफटका ह्या टोकापासून त्या टोककडे ,
पण फेरफटका मारताना आज पाय मात्र अडखळत नव्हते
का कोण जाणे?..........
रोज चालताना पायात घुटमळणारे पाणी,
आज मात्र आहोटीचे कारण सांगून खूप दूर गेल्यासारखे वाटले
का कोण जाणे?..........
मावशी कडचा भुत्टा आज बेचव लागत होता,
आणि एक गोळा एकट्याने संपतच नव्हता
का कोण जाणे?..........
वाटले बसावे एके ठिकाणी वाळूशी खेळत,
पण वाळू देखील वेळेसारखी पुढे सरकतच नव्हती
का कोण जाणे?..........
आज चौपाटीवर पाऊस जास्त नव्हता,
पण मन भरून आले होते
का कोण जाणे?..........
पावसाचे थेंब चेहर्यावर झेलत होतो,
जणू हजारो हात चेहर्यावरून फिरत होते
आसवे पुसायला???? ...की ...वाढवायला????
का कोण जाणे?..........
No comments:
Post a Comment